Jamita Minggu reminiscere, 16 Maret 2025

 Jamita Minggu Reminiscere, 16 Maret 2025

(Sai ingot ma Angka Denggan ni Basam, Psalmen 25: 6)

Ev. Psalmen 27: 1- 6

Topik : "Paidaida Hinadenggan ni Jahowa" (Menyaksikan kemurahan Tuhan)

_____________________________________________________________________________________

1) Nian sude do uli angka Hata ni Debata na tasurat di Bibelta on! Alai dibagasan turpukta sadarion, adong do jumpang hita sada ayat na mansai arga, na benar-benar manungguli haporseaonta taringot tu na mar-TUHAN, ima na tarsurat di ay. 4 i. Rap ma jo hita manjaha:

"Sada do naung hupangidohon sian Jahowa, sai ido hulului! Naeng mian ahu di bagas joro ni Jahowa saleleng mangolu ahu, paidaida hinadenggan ni Jahowa dohot mamingkiri ganup sogot dibagasan joroNa i". 

Boi do on na Gabe tangiangta amang/ inang?

(Taparrohahon da, sada do pangidoanna, ndang godanggodang songon hita. Naeng on, naeng an,,,, holan sada do. aha ma i? "naeng mian di bagas joro ni Jahowa")

Taboto do tahe amang/inang aha na tinuju ni pandohan i?

Molo tajaha nakkin turpuk on sian ginjang, nungga dipatorang parPsalmen taringot tu parsorion na niadopanna. Tung borat situtu do!

(Godang angka musu na ro mangarongom ibana, godang angka musu na manghalomohon hosana. Alai ndang apala mate disi pingkiranna. Ndang apala haluaon sian musuna i na gabe prioritas ni pangidoanna. Alai didok ibana: sada do naung hupangidohon sian Jahowa, naeng mian ahu di bagas joro ni Jahowa saleleng ahu mangolu").

Bereng hamu! Sekilas sai hira so nyambung do on: ibana mangadopi parsorion taringot tu musuna, alai pangidoanna (ndang asa malua sian musuna) alai  'naeng mian di bagas joro ni Jahowa'. 

Lapatanna disi: Molo nungga mian ibana di bagas joro ni Jahowa, sude angka parsorionna i= bisa terjawab. (Tuhan i do na gabe kunci utama di ibana, molo nungga rap dohot Tuhan i, maka yang lain akan beres)

Somalna amang/inang:

molo tingki marsahit iba, pangidoanniba= bah malum ma nian

molo tingki sompit parhepengon, pangidoanniba= bah sai adong ma nian pancarian

molo songon si Daud on, tingki mandosak musu, pangidoanniba = bah malua ma

ido pangidoan na somal. Nian ndang adong na salah disi. Alai boi dohonon: molo intap ni pangidoan sisongon i do= bah intap ni i ma sijaloon. Alai sai adong do na ro angka parsorion na asing.

Alai molo nungga tu TUHAN i iba ro songon sitompa saluhut, maka apapun pergumulan kita semua dapat ditanggung.

Ido na pinatuduhon ni si David, bagas joro ni Jahowa i, ido pangidoanna (mian di bagas joro ni Jahowa). Boasa? Ala dihaporseai ibana do bagas joro i songon inganan parjumpanganna dohot Debata, asa marhite i mangula ma Debata di ibana (Sehingga dia benar-benar merasa aman berada di dalam rumah TUHAN).

Molo ro hamu tu gareja amang/ inang, lam sonang do hamu manang mur marsak?

2) Damang/dainang, di Padan na robi, dihaporseai halak Israel do "bagas joro i" songon inganan parmianan ni Debata. Jala halak na ro tusi, pasti do jumpangan di angka na jinalahanna.

ido asa terbuka do bagas joro ni Debata 24 jam di halak Israel

Adong do disi angka penjaga ni bagas joro i (sian marga Lewi, khususna ma angka imam-imam)

Jadi sai ro do jolma tu bagas joro i atik pe di angka ari-ari holang (marsasahalak, manang sakeluarga).

ra taingot do cerita ni si Hanna, na ro tu bagas joro martangiang huhut tumatangis mangido pasupasu parianakhonon ala sahalak parompuan na hol do ibana. Dialusi Debata do tangiangna Gabe tubuan anak ma ibana, ima si Samuel.

Jadi songon i ma haporseon ni halak di Padan na robi taringot tu bagas joro ni Jahowa.

3) inna rohangku, haporseaon sisongon on do naung mago nuaeng sian hita amang/ inang.

Ndang apala olo be halak ro tu gareja martangiang tingki ariari holang.

Tutu, tahaporseai do disude inganan boi martangiang. Alai, sai adong do halobian ni gareja on. Molo so i, ndang pola ringkot jongjong gareja on. Ndang pola ringkot halak ro marminggu. Sai ma holan sian jabuna be martangiang i.

Alai ndang songon i. Denggan do ro iba tu gareja sahalisahali laho martangiang mangido sipangidoon, agia pe sahalak niba.

Persoalan na jotjot taida, uju ro parungkilon,  godang do halak na Gabe mandao sian gareja, mandao sian parpunguan (memilih untuk menyendiri); ndang Gabe lam pajonokhon dirina tu Debata.

On do apala ondolan ni jamita on! Molo tung dokdok pe sitaonomu amang/inang, ndang Gabe mansohot ho sian gareja, baliksa ingkon ingkon lam pajonok diri do tu Debata.

4) ido na taida dibagasan topik minggu sadarion: "Paidaida Hinadenggan ni Jahowa".

Halak na marhaposan tu Debata,  halak na pajonokhon dirina tu Debata: idaonna jala daionna ma hinadenggan ni Jahowa do tonganga ni ngoluna.

5) Persoalan na niadopan ni si David di turpukon, gombaran ni parsorionta do i siganup ari.

na sipata marsak iba ala ni angka pambahenan ni jolma na so ture.

Tutu mabiar do iba molo pola masa tu iba songon na niadopan ni si David on.

Alai dohononhu ma: hal na wajar do molo adong biar ni roha do jolma. Justru na so wajar ima molo so diboto be biar (halak na nekat do songon on)

Si David pe pasti adong do biar ni i. Ala ni i do ibana pajonok dirina tu Debata.

Songon na didok di ayat 1 i: "Jahowa do panondangingku dohot hatuaonhu" (Tuhan adalah terangku dan keselamatanku)

Hata "panondang/ terang" ndada na mandok Gabe mulus sude dalan niba ala torang. Alai kembali tu fungsi ni terang i do.

Molo torang dalanniba, tontu boi ma berengon sude (dia ma dalan na marlubang dia na denggan. Tontu pasidingon ma dalan na marlubang i unang tarrobung).

Jadi molo didok: Jahowa panondangingku, asa boi do iba marnida dia dalan sidalananniba.

6) Antong, tapajonok ma dirinta tu Debata, asa disondangi dalanta jala diondihon hita dibagasan holong ni rohaNa. Dungi: daionta jala paidaidaonta ma hinadenggan ni Jahowa saleleng hita mangolu. AMEN...!!!