Jamita Partangiangan Minggu Okuli, 23 Maret 2025
Ev. Jesaya 55: 1- 9
Topik: "Pauba roha asa unang Mago" (Bertobat agar tidak Binasa)
__________________________________________________________________________________________
1) Turpuk on, ima jamita parpudi (nubuat terakhir) sian Panurirang Jesaya andorang so haruar sian habuangan Babel.
Jala inti ni jamitana ima: joujou (tingting) tu sandok bangso i asa marhamubaon, asa talup nasida manjalo haluaon na laho patupaon ni Debata di nasida.
Tontu na gabe sungkun-sungkun: "aha do hadomuan ni hamubaon ni roha tu situasi na tarbuang i"? Alusna: ala memang dosa nasida sandiri do mambahen nasida asa tarbuang.
Jadi boi dohonon, persoalan terbesar ni halak Israel sasintongna "ndada parungkilonna", alai dosa nasida maradophon Debata do. Ido mambahen ingkon tarbuang nasida songon bentuk pangajarion sian Debata asa ditanda hahuranganna.
Dung singkop diida Debata pangajarion i, diontang ma nasida muse asa mulak tu Ibana mandai denggan basa ni Jahowa.
2) Huuji ma jo pasahathon tu hita pigapiga hal na ringkot siidaonta sian turpuk on:
i) Parjolo: taringot tu "keterbukaan Allah" (ungkap ni roha ni Debata di angka jolma pardosa, ay.1).
Ungkap do roha ni Debata di angka jolma pardosa asa ro mulak tu Ibana.
Taida dison, dibahen Debata sada gombaran songon na patupa "pesta unjuk" (Perjamuan makan dan minum) secara gratis, manuhor so pola marhepeng.
Sada gombaran do on amang/inang na martudutudu tu haluaon na pinatupa ni Debata dibagasan Jesus Kristus na tajalo secara gratis tanpa bayar. Lapatanna: Terbuka do Tuhan i manjalo hita, diparade do sude na ringkot tu ngolu partondionta. Ro be ma hita manjalosa!
On do salah satu theologia mendasar di hakristenonta: Tuhan memberi anugerahNya kepada kita dengan cuma-cuma! (sola Gratia).
Ndang pola manuhor, ndang pola marhepeng. Cukup dengan iman.
Molo porsea hita jala unduk mangoloi Ibana, dapotan ma hita di haluaon i.
Hombar tu hamamasa ni turpuk on: Tuhan i do na marnida parungkilon ni bangso i di habuangan Babel, laos ido na mangonjar rohaNa asa paluahon nasida.
ii) Paduahon: Taringot tu "berkat rohani" (Pasupasu partondion)
Hanya berkat rohani yang dapat memuaskan kita!
Tutu ringkot do sipanganon manang siinumon pardagingon, alai ndang hea jolma merasa puas holan ala ni i, sai na mulak mauas-male do muse.
Didok di ay. 2 i: Boasa tung mandasing hepeng hamu tu naso tau hangoluhononhon, jala na niomomuna tuhor ni na so tau pasonang hamu?
Holan pasupasu partondion do na tuk pasonang roha ni jolma (otik-godang na jinalo niba, alai boi dinikmati)
Boi do on tapatudos tu hata ni Jesus na mandok: "Ahu do roti hangoluan i, sandok na so male be manang ise naung ro tu Ahu, jala na so tupa be mauas manang ise na ro tu Ahu" (Johannes 6: 35)
iii) Patoluhon: Taringot tu Padan Parasian! (ay. 3-6)
Didok hata ni Tuhanta: Pahoton ni Debata do "padan parasian" saleleng ni lelengna tu halak na tangi di HataNa jala na masihol pajumpang dohot Ibana.
Boi do taida on sian ay. 3- 6! Alai hukutip ma sian na tarsurat di ay. 6 i!
Didok di ay. 6 i: sai lului hamu ma Jahowa, binsan tarbahen dope jumpang Ibana; jou hamu ma Ibana, binsan jonok dope Ibana.
nian, ndang hea terbatas Debata ate! Ndang songon hita jolma rupani: adong limit waktu "kapan bisa bertemu". (Tuhan tidak pernah berada di luar jangkauan)
Pandohan on na mangajari hita do asa manghasiholi Ibana (kita harus sadar bahwa kita itu butuh kepada Tuhan)
Ndang tarpatupa hita na denggan anggo tarsirang hita sian Debata! Ala ni i, ingkon terkoneksi do hita torus dohot Ibana!
iv) Paopathon: Joujou asa paubahon roha! (Perintah untuk bertobat)
Hanya orang yang mau bertobat yang berpotensi untuk hidup lebih baik.
Jangan sampai nyaman di dalam dosa!
v) Palimahon: Rancangan Tuhan adalah rancangan yang sempurna.
Didok di ay. 8-9 i: Ai ndada pingkiranHu pingkiranmuna i, jala ndada dalanmuna angka dalanHu. Ai songon timbo ni angka langit sian tano on, songoni do tumimbo angka dalanHu sian dalanmuna i, jala angka pingkiranHu sian pingkiranmuna i.
On ma na patuduhon rancangan Tuhan adalah rancangan yang sempurna.
Ndang tarpatudos pingkiranta sian pingkiran ni Debata.
Umbotoan do Debata mamingkiri na dihita unang apala hita mamingkiri dirinta sandiri. Ai Debata do na manompa hita, tontu botoonNa do dia na dumenggan sipatupaonNa di hita be. AMIN....
Komentar
Posting Komentar