Jamita Partangiangan Minggu XI Dung Trinitatis, 31 Agustus 2025
Ev. Poda 25: 2- 6
Topik: "Jesus Kristus manguluhon hita ro di Salelenglelengna"
______________________________________________________________________________________
1) Damang/ dainang,, turpuk on ima na sinurathon ni raja Salomo berupa poda (sipaingot) di hajolmaon asa atur jala uli mardalan parngoluan ni jolma dihasiangan on!
2) Adong 4 hal na pinaandar ni turpuk on tu hita, na idaon sai hira terpisah, alai ingkon pasadaonta gabe sada bagian na utuh.
ibarat songon na marakkit lemari kecil rupani (molo tatuhor sian shopee), adong step by step na ingkon karejohononta!
Songon i ma huida turpuk on! Adong 4 hal si parrohahononta na so tarsirang sian parngoluan ni hajolmaon. Hubahen ma istilahna 4T. Aha ma i?
na parjolo: Tanda Hamuliaon ni Debata!
na paduahon: Tanda Hamuliaon ni Raja!
na patoluhon: Tanda Parange ni Jolma!
na paopathon: Tanda dirim!
Tapamanat ma Hatoranganna!
i) na parjolo: Tanda Hamuliaon ni Debata!
Diajari turpuk on do hita asa tangkas mananda hamuliaon ni Debata na manompa hita!
Marhite na mananda hamuliaonNa i, tarjalo hita ma manang aha na pinamasa ni Debata dingolunta on, atik pe sipata maralo tu rohanta.
Hamuliaon ni Debata na nidok na dison ima: "manghomihon Hata" (merahasiakan sesuatu).
Tangkas do tapergumulhon amang/inang, ndang sude taantusi namasa dingolunta on, hahomion ni Debata do i. Intap ni na diloas Tuhan i do hita mangantusi asa taantusi. Godang nai rahasia-rahasia kehidupan naso pola taboto.
Salah satu contoh: "Hamatean". Ndang ise na umboto i jala ndang adong na boi mangambati. Molo sian pingkiranta= ndang tarjalo hita hamatean. Ai ingkon marsirang ma hita sian angka na tahaholongi. Molo pe didok: Kristus do hangoluan jala laba nang hamatean (Pilippi 1: 21), didia labana?? na sai tumatangis i? na mangangguhi i? ima hahomion ni Debata. Sasintongna, Pingkiranta do na so tuk mandodo sangkap-sangkap na uli na sian Debata marhite hamatean i.
Godang nai contoh na sarupa tusi: parsahiton, hapogoson, parianakhonon, dna. Alai ingkon bolusonta do i tagan di hasiangan on dope hita.
ido asa didok si Salomo marhite buku Poda on: "Tanda Hamuliaon ni Debata!". Asa molo dung tatanda Ibana, botoonta ma pasahathon dirinta tu Debata na marmulia i.
ii) na paduahon: Tanda Hamuliaon ni Raja!
Adong do parasingan na mansai tangkas dison.
Molo Hamuliaon ni Debata nakkin= manghomihon Hata;
Molo Raja, sebalikna= "sumilingkit hata!" (Menyelidiki sesuatu)
Lapatanna: TUHAN punya hikmat yang tidak terbatas, melampaui segala pikiran manusia, sementara Raja harus menggali dan mencari segala hikmat yang tersembunyi dari Tuhan.
ido asa tugas ni raja do laho manulingkiti angka na buni laho pajongjonghon uhum di tano on.
Taingot do ra cerita ni 2 halak parompuan na manubuhon dakdanak.....
Jadi, dohononta ma: Raja na marmulia ima raja na tuk pajongjong uhum hasintongan di tano on!
Lam marbisuk sahalak raja, lam marmulia ma ibana!
Laos marhite i do diajari nang hita asa unduk tu raja na manggomgomi hita, ai parhitean ni Debata do nang nasida laho patureture bangsonta on!
iii) na patoluhon: Tanda parange ni jolma!
Didok di turpukta on: "ingkon sirangon do angka taktak sian perak, jala ruar ma ulaula na arga bahenon ni panopa. Ingkon pabalion do halak parjahat sian jolo ni raja asa hot harajaonna" (ay. 4-5).
Lapatanna disi: ndang denggan sahundulan angka partigor dohot parjahat, ingkon sirangon do i. Ai parjahat i sai songon virus do i, hatop menyebar jala manegai donganna na asing!
Jadi molo naeng hot do sada Harajaon, ingkon sirangon do i sian tongatonga ni punguan i. Molo daong, siap-siaplah untuk hancur!
Jadi on ma salah satu kelemahan ni negara demokrasi, Sude boi masuk tu harajaon i. Na so jelas pe masuk! Segama sude!
Makana unang asal-asal mamillit hita molo jumpa pemilu. Unang ala ni hepeng si 100rb i mangae hita sitaon tu taon.
Di tongatonga ni na marpunguan pe songon i do! Baik di gareja manang paradaton. Holan adong parjahat dibagasan, sega do na sapunguan i bahenonna!
ido asa di Hurianta HKBP dibahen RPP tu angka na mangalaosi. Asa unang rarat do dosa i tu na sahuria i. Marhite RPP i ma diigil hamubaon ni angka pangalaosi i.
Molo so adong RPP di sadasada huria, hati-hati! Itu gereja patut di pertanyakan!
Molo di na mardongan pe amang/inang, songon i do tong. Tutu do ingkon sude pinardongan. Alai ingotma: molo so membangun do pardonganon i, tagonan paso!
ai adong do halak, sai holan na manghatai donganna lalap. sipasidingon do jolma sisongon i. Marsogot, ho ma hataonna!
Berbicaralah tentang hal-hal yang membangun!
iv) na paopathon: Tanda dirim!
Didok di turpuk on: "Unang patongamtongam dirim di jolo ni raja, jala unang jongjong ho tu ingannan ni halak na balga!"
Ndang na mandok: na so boi iba rappak dohot halak na sangap, alai diboto be ma hundulanna.
ai mangalap lea do iba molo pola digeser iba sian hundulanniba i ala ro na lobi patut sian iba.
Tagonan do dipasangap iba asa ro tu lambungnasida unang apala dipalao iba sian hundulanniba i.
Jala taingot ma: ndang sialapon sangap. Ro sandiri do i molo patut hita manjalosa!
3) Damang/dainang,,, sian na 4 hal sinakkin ma hita pahusorhusor jamita on laho sihangoluhononta di parngoluan siganup ari.
Molo denggan sude i, tontu boi ma hita menikmati parngoluan na binasabasahon ni Tuhanta i tu hita siganup ari. AMEN....
Komentar
Posting Komentar