Jamita Partangiangan, Minggu
XVIII Dung Trinitatis, 19 Oktober 2025
Ev. Lukas 18: 1- 8
Topik: “Nungga Tangkas Huida Bohi ni Debata”
1)
Didok Reformator Marthin Luther: “Doa adalah hal yang paling kuat di bumi.
Dengan doa kita bisa menggerakkan tangan Tuhan.”
ü
Lapatanna disi:
Ndang adong dalan na asing di hita laho manjalo haogogoon ni Debata asing sian
na martangiang. Holan marhite tangiang i do hita marparsaoran dohot Debata,
dung i jaloonta ma hagogoon na tarlobi sian Ibana.
·
Marhite tangiang i, tahilala ma na sai mangula
do Tuhan i di ngolunta siganup ari dibagasan hagogoonNa na sumurung i.
ü Segala
keterbatasan kita akan disempurnakan oleh tangan Tuhan yang kuat lewat doa-doa
kita kepadaNya.
2)
Turpuk on, ima na marsihihon pangajarion ni Jesus taringot tu Ari
HaroroNa na paduahalihon!
v
Marbonsir ma i sian sungkun-sungkun ni halak
Parise na mandok: “Andigan
ma songgop Harajaon ni Debata?” (Lih. Lukas 17: 20)
v
Gabe dialusi Jesus ma nasida, sekaligus
mangajari angka siseanNa na disi, mandok: “Ditongatongamuna do Harajaon ni Debata” (Lih. Lukas 17: 21)
·
Lapatanna: Harajaon
ni Debata nungga masa i nuaeng, ai disi do Jesus ditongatonganasida. Alai
dipasingkop ma i muse dung haroroNa paduahalihon.
·
Jala ndang pola ringkot botoonnasida sadihari
tingkiNa anggo taringot tu Haroro ni Jesus paduahalihon. Alai dao dumenggan molo mangarade
nasida paimahon manang sadihari pe tingkina, asa unang targasip nasida molo jumpang
ari i. Ai ari hangaluton do i anggo diangka na so porsea.
3)
Dibahen Jesus ma sada umpama taringot tu na patut siulahononnasida,
ima: “sahalak parompuan
na sai jugul mangido.”
v
Parompuan na mangido on, ima na gabe gombaran di
nasida nang di hita saluhutna asa tongtong jugul martangiang.
4)
Tapamanat ma umpama na binahen ni Jesus on!
v
Didok dison: adong ma di na sahuta sahalak
panguhum na so manghabiari Debata jala ndang dipardulihon jolma. Hape adong ma
disi sahalak na mabalu na mangido keadilan tu panguhum i asa dipintori ibana
maralohon musuna. Sanga do ndang dipadulihon, alai lam leleng gabe sai
marhusori do rohana di bagasan. Ai mabiar do ibana molo tung ro parompuan i
muse laho manggariangi ibana.
·
Lapatanna disi: Gari sipelebegu na so mananda Debata, tubu do dirohana
laho mamintori parompuan na sai jugul mangido; lam ma Debata??? Tung so pintoranNa ma angka na
pinillitNa molo sai jugul martangiang???
v
Gabe didok Jesus ma muse: Magira ma pintoranNa nasida!
·
Lapatanna: alusan ni Debata do nasa
tangiang pangidoan ni jolma, dengan bersikap segera, tidak menunda-nunda
(tunggu dulu).
·
Nata pe sipata hira na leleng so maralus
tangiangta, alai Debata do umboto tingki na lehet di hita andigan lehononNa
angka tangiang pangidoanta i (Ndang dos tingkinta dohot tingki ni Debata).
v
Alai asing sian
angka i, anggo na rumingkot ima: “tagamon do jumpang Anak ni jolma i
haporseaon di tano on di haroroNa i?” (Mungkinkah Tuhan menemukan iman ada bagi kita Ketika Ia
datang?)
· On do anggo na rumingkot. Ai molo so jumpang do i,, ndang malua hita sogot!
5)
Aplikasi
Aha ma na
laho siputihanta sian turpuk on?
i)
Parjolo:
Na ro do Jesus muse
paduahalihon! Idaonta ma rupaNa na sangap i!
ü
Disi ma patar sude angka na buni, angka hahomion
ni Debata na so dung taida saleleng on!
ii)
Paduahon:
Jugulhon ma martangiang,
ai dipintori Debata do angka na pinilitNa!
ü
Tangiang i do dalanta asa margogo mandalani
ngolu on! Gogo na sian Debata ma na tapangasahon!
iii)
Patoluhon: Sai gara ma Haporseaonmi!
(Nyalakan iman percayamu!)
ü
Haporseaon di bagasan Jesus Krsitus, ido na tuk
paluahon hita. AMEN…
Komentar
Posting Komentar