Jamita Minggu Pentakosta II,
Senin 25 Mei 2026
Ev. Nehemia 9: 20- 31
Topik : “Dibasabasahon Debata TondiNa” (Allah Memberikan Roh-Nya)
1) Huria ni Tuhanta, nuaeng sahat
ma hita tu Parningotan Ari Pentakosta na Paduahon!
Molo
ondolan ni Pentakosta na somal tabege songon parningotan di Ari Hasasaor ni
Tondi Parbadia, alai anggo nuaeng ndang sebatas disi be. Alai Panghorhon ni Tondi naung songgop tu hita i do
sasintongna na ingkon tangkas sipahusorhusoronta.
ü
Adong do panghorhonna?
ü Aha do naung muba sian hita dungkon tajangkon Tondi ni Tuhan i?
Tanda
ni halak naung sinonggopan ni Tondi Porbadia, ima: Adong Hamubaon!
·
Kita akan menjadi “pembohong besar” atau
jika boleh saya sebut sebagai “mafia rohani”, jika kenyataannya hidup kita
ini ‘tidak berubah sama sekali’.
o Ai Hamubaon ni roha do panghorhon ni Tondi i
·
Di konfessi ni Hurianta pe tangkas do i didok: ulaon
ni Tondi Parbadia i, ima: mangajari, mangaramoti, dohot margogoihon angka
na porsea.
o Lapatanna: na pasti marhamubaon do jolma i molo tutu maringan Tondi ni Tuhan i dibagasan ibana.
Jala
ingkon dohononhu do i tu hita: “Jangan pernah bersembunyi di balik jubah
hitammu (jika kau seorang pendeta) atau jubah
putihmu (jika kau seorang pelayan gereja) atau atribut-atribut
rohanimu (jika kau seorang jemaat) Jika sebenarnya kamu sendiri adalah
musuh Allah”
·
Na tagonan sibolis do iba, marroha sibolis unang
apala rohaniawan alai marroha mago. Borat do songon i!
o
Molo bang Napi mandok: waspadalah…! waspadalah….!
o
Jala molo ahu mandok: Bertobatlah…!
Bertobatlah….!
· Bagas ma i tarimangi, amang/ inang!
2) Jadi molo tabereng pe buku
Nehemia on, ini berbicara tentang pertobatan!
v
Bertobat nasida ala panghorhon ni Tondi i na
mamangkulingi nasida.
ü
Ai molo tajaha judul ni Bindu 9 on, nungga
tangkas disi didok: “Dihaburjuhon
Bangso i mangundukhon dosanasida be”.
ü
Pola
do marpuasa nasida, maruloshon tangki (berpakaian kabung), huhut mambahen tano
tu atas ulu nasida. Bahkan, sansuhi ari (saparopat ari) ma nasida manjaha patik
ni Jahowa, jala sansuhi ari (saparopat ari) nari martangiang manopoti
dosananasida tu Jahowa (ay. 1-3)
ü
Dison ma taida na olo do halak Israel patupahon “pertobatan massal”, ndang
bersifat pribadi.
o
Hape molo hita, antar so hea dope huida adong
“pertobatan massal”, dang i?? (isarani bertobat sahuria i).
o
Boha amang/ inang, tabahen ma songon i jo? Alai
molo halak Israel, dipatupa nasida do songon i.
v Jala menarik do huida molo tapamanat Pertobatan ni halak
Israel on!
·
Parjolo do nasida mangundukhon dosana, dung i pe
asa ditangianghon halak Lepi nasida tu Debata. (Ai tangiang ni malim do turpuk
jamita on!)
·
Lapatanna rupani: ingkon parjolo do iba mangundukhon dosaniba, dung i pe
asa mangido tangiang sian dongan /gareja.
o
Unang balik: sai mangido hita asa ditangianghon, hape ibana
sandiri pe so olo muba. Salah do songon i.
o
Ai jotjot do hita berpikiran songon on: tangianghon ma ibana asa muba,
ninna…. Hape so marna muba… kan?? hehehe
· Tutu do amang/ inang, margogo do tangiang. Alai dao dumenggan do jolma sitangianghonon i parjolo mangundukhon hahuranganna songon halak Israel on.
3)
Sonari, taida ma 3 point penting na boi rupani hurangkumhami sian isi
ni turpuk jamita on:
i)
Parjolo: Dibasabasahon Debata do TondiNa
laho marrohaihon hita! (ay.20-25)
Hata:
‘marrohaihon’ dison, ndanda marlapatan ‘mamparrohahon’
manang ‘diparrohahon’. Beda do i. (molo mamparrohahon berarti memperhatikan;
diparrohahon berarti diperhatikan)
·
Alai hata “Marrohaihon” dison lapatanna: “membuat hati jadi paham’. Ala ni i do molo taida di
Alkitab LAI terjemahanna dipangke hata: “mengajar”! Ai na mangajari do Tondi i di hita asa
antus rohanta mangantusi lomo ni rohaNa!
· Anggo dison berlaku ma artikulasi
on, ate,, unang gabe -5 hamu annon! Hehehe…
Tertarik
do au manjalo chat sian salah satu ruas ni Hurianta taringot tu Johannes 14: 16= “Jala PangidoonHu ma tu Ama i,
asa dilehon tu hamu sada Pangondian na asing, asa i mandongani hamu salelengna
i”.
·
Hata on dipasahat Jesus manaringoti Tondi
Parbadia na laho lehononNa tu hita jolma.
·
Kata kuncina rupani disi: “Pangondian na asing”.
Molo di Hata Indonesia didok: “Penolong
yang lain”. Di hata aslina: “allon Parakleton”.
·
Sungkunsungkunna: ise do Pangondian na asing on? Na asing do
Tondi Parbadia sian Jesus?
o
Sian Hata asli “allon Parakleton”→ ‘allon’ = sian bentuk ‘allos’ lapatanna: yang lain yang sejenis/ sama BUKAN
yang berbeda.
o Ibaratna molo minum kopi iba
habis, dungi mangido kopi muse. Ima lapatanni ‘allon’, sejenis. Ndang rupani manginum
kopi iba habis, dungi mangido tes manis.
o Jadi ndang asing Jesus sian Tondi Parbadia! Dia adalah Tri-Tunggal dalam 1 hakekat.
ii)
Paduahon: Tinggil ma hita manangihon Panggora ni Tondi i! Unang be sai mulakulak
mangulahon dosa! (ay.
26- 30)
Taida
diturpuk on, dipatorang do “Sejarah pardalanan ni bangso Israel” na sai
mulakulak mangulahon dosa.
·
Uju sonang nasida so diingot Tuhan i. Alai dung
susa ngoluna, ro ma nasida mangangguhi manopoti dosana.
Huida
antar songon i dope namasa di partingkian si nuaeng on. Sai mulakulak dope hita
mangulahon dosa.
·
Satongkin burju, satongkin boha… ido kan?
·
Ipe mulak sian Gareja nga pintor murukmuruk…
· Idope mambahas turpuk, nga pintor manguhumi donganna...
Tinggil
ma hita amang/ inang di Panggora ni Tondi i!
iii)
Patoluhon: Parasiroha do Debata na rade manjanghon hita! (ay. 31)
On
do salah satu ondolan ni Theologia HKBP taringot tu basabasa Debata!
ü
Ndang na talup hita manjalo sipangidoonta, ndang
na ummangat hita sian torop angka jolma na asing. Alai Asi ni roha ni Debata,
ido na tapangasahon!
Ido
na taida di ayat 31 i: “Alai
binahen ni Asi ni rohaM angka na godang i, ndang laos sun siap nasida dibahen
Ho, jala ndang ditadinghon Ho nasida. Ai Debata parasiroha jala pardengganbasa
do Ho.”
4)
Antong, sai dipargogoi Debata ma hita saluhutna laho mangulahon lomo
ni rohaNa i. AMEN!!!
Komentar
Posting Komentar