Jamita Partangiangan, Minggu IV Dung Trinitatis, Ev. 4 Musa 14: 11- 19

 

Jamita Partangiangan Minggu IV Dung Trinitatis, 28 Juni 2026

Ev.  4 Musa 14: 11- 19

Topik: “Holong mamboan las ni roha dohot Apulapul”

(Kasih yang Menggembirakan dan Menguatkan)

 

1)      Turpuk jamita on, ima na manaringoti pardalanan ni bangso Israel laho bongot tu  Tano Kanaan!

v  Molo ta jaha di bindu 13, dipatorang do disi paboa na disuru Debata marhitehite si Musa 12 halak Panghaphap (pengintai) sian 12 marga Israel, ima angka induk ni marga i laho marnida situasi ni Tano Kanaan andorang so bongot saluhut bangso i tu Tano Bagabaga i.

o   Sian on ma boi taida bahwa “hidup butuh master plan yang jelas”. Ndang asal-asal. Ingkon adong do rencana strategik asa sahat iba tu tujuan. Unang ma adong sian na berprinsip: ‘mamereng disi’ manang ‘toe ma asal ma sehat’ nannai,,, angka pandeleannama i…

o   Molo naeng sahat iba tu na sinangkapan ni roha, ingkon adong do perencanaan na pasti.

o   Taida dison, Debata sandiri pe, terencana do angka na binahenNa. Ndang asal disuru nasida laho mamongoti Tano Kanaan i, alai jumolo do disuru angka Panghaphap (pengintai) asa di ida nasida songon dia situasi di Tano sitopotonasida i.

 

v  Dung sahat angka Panghaphap i, diida nasida ma paboa na uli situtu do inganan i (berlimpah kekayaan). Sebuah negeri yang dipenuhi susu dan madu, berlimpah hasil pertanian, perternakan dan buah-buahan. Tongon ma songon na dibagabagahon Debata tu angka ompunasida na jolo.

ü  Alai adong persoalan: Diida nasida halak na mangingani tano i tung mansai torop situtu, angka na begu jala na gogo. Gabe mabiar nasida.

ü  Gabe tubu di rohana: “ndang mungkin tarpapatu hita halak on, pamateon ni halak on ma hita dohot angka gellengta sude molo tung marporang hita dompak nasida”.

ü  Ujungna, gabe barita na so denggan do dipaboa nasida dung mulak sian panghaphapan i. Holan si Kaleb do na mamboan barita na denggan laho paposhon roha ni bangso i (lih. ps. 13: 30).

 

v  Jadi dung dibege nasida barita ni angka Panghaphap i, gabe mabiar situtu ma nasida. Gabe marmungutmungut ma sude halak Israel dompak si Musa dohot si Aron. Didok nasida: “tung so mate hami nian uju di tano Misir dope hami, manang mate dope hami nian di halongonan on. Boasa tung togihonon ni Jahowa hami tu tano on asa marragean hami bahenon ni podang, jala jolmanami dohot ianakhonnami ripe tabanon? Nda tagonan nian hami mulak tu Misir? (lih. Ps. 14: 2-3).

·       On ma sibonsiri rimas ni Debata tu nasida. Jala terkenal do on di Sejarah Pardalanan ni Bangso Israel. On ma amang/ inang na mambahen boasa ingkon 40 taon lelengna nasida mardalan di halongonan. Ditogihon Debata nasida berjalan keliling dengan tujuan asa ndang pasidohot angka pemberontak i sahat tu tano Bagabaga i (lih Ps. 14: 20-23). Holan angka na tarpillit i do sahat tu Kanaan.

·       Molo taida do jarak geografis, sasintongna: holan 11 hari perjalanan (sekitar 180- 200 KM) do jarak ni Horeb/ Sinai tu Kanaan/ Kadesh-Barnea (lih. Ulangan 1: 2). Molo sian Misir, adong ma i sekitar 1-2 bulan (320- 400 KM).

·       Jadi ndang ala ni daona asa 40 taon nasida mardalan di halongonan. Alai songon na hudok nakkin, asa holan angka na tarpillit i do na boi sahat tu Tano Bagabaga i.

ü  Sian on ma boi taida amang/ inang, paboa tetap do berlaku konsekuensi dosa angka na niula ni jolma. Ala ni i, ingkon pasidingonta do angka na mambahen rimas ni Debata.

 

v  Alai taida ma hal na luar biasa sian karakter ni si Musa di turpuk on. Dung tarrimas Debata maradophon bangso i, ndang gabe marsombusombu ibana mida bangsona i. Alai diondihon ibana do bangso i mangido asi ni roha ni Debata. Adong semacam "negosiasi".

·       Didok: Tung sura bunuonMu nuaeng bangso on, songon sahalak, jadi dohonon ni bangso parbegu, angka naung umbege baritaMi ma songon on: “Ala na so tuk gogo ni Jahowa manogihon bangso on tu bagasan luat naung niuarihonNa tu nasida, umbahen dipotongi nasida di bagasan halongonan” (ay. 15-16).

·       Tontu ndang na mandok naummalo si Musa sian Debata mamingkiri Nasib ni bangso i. Alai Hataridaan ni roha do i na rade manghaholongi donganna na asing.

·       Turpukta on ma Tangiang Pangondianon ni si Musa maradophon halak Israel. Jala ditangihon Debata do alualuna. Ndang saut dirimpahson rimasNa maradophon bangso i, alai ditogihon do nasida berjalan keliling saleleng 40 taon songon na hupatorang nakkin.

 

2)      Sonari, aha ma na ringkot si putihanta sian turpuk jamita on? Hupasahat ma tu hita pigapiga point penting:

i)                    Parjolo: Haposi ma Debata na mangiringiring pardalanan ni ngolum, na tuk mamboan ho sahat tu Hasonangan!

    Na manginsahi Debata do halak na so porsea tu Ibana (ay. 1); lumobi molo nungga di ida jala di dai angka halongangan na sian Debata.

 

    Mukjizat tidak semerta-merta membawa manusia kepada kesetiaan.

 

ii)                  Paduahon: Rade manangianghon dongan di angka hahuranganna!

    Unang las rohanta molo susah dongan, atik pe pardosa nasida di rohanta. Alai ingkon rade do hita manangianghon nasida!

 

iii)                Patoluhon: Marpamuati do Debata di angka na manolsoli dosana!

    Molo tung tarsomong hita mangulahon dosa, denggan ma tapaunduk rohanta laho manopoti dosanta i. Unang sai tangkang! Ai parholong roha do Debata di angka jolma nao lo manolsoli dosana!

AMEN!